خيّ .. فيك تجدد بطاقة أو باسبور أو باب أو تخت .. بس انو كيف فيك تجدد الامل .. كنا حكينا بالسابق عن التسويات يلي بتعيشا كل يوم .. التسوية بتبلش بعضوك التناسلي لما يتهور كتير وبتخلص بالصراع العربي- الاسرائيلي ت ما يضاين كتير .. هيدا يعني 62 سنة بما انو نحن ع تخوم ذكرى النكبة .. لو بتحسي أدي كلماتك منقاية بعناية دقيقة .. بدقيقة واحدة بتخلي كل شي يتغير .. بخصوص " ميتافورسيز " حضورك .. انت منيحة .. هيدا يلي عرفتو وفي كمان حدا تاني عرفو: نبيلة صعب فتح الله ( بتعرفيا لاْ) .. هيدي ما بتقفي ولا انتخابات الا وبتنزل فيا .. عموما بتهوى الفوتة بالحيطان .. يعني تحديدا متل حبك .. اجمالا وجمالا فيك، فيكي تحطي كل شي بضايق فيّ .. شي بضيق الخلق سوا نبقى هيك نبقى لمجرد البقاء .. هيدي مسألة كبيرة اكتشفو العلما
أنو لذيذي فكرتا بس صعبة شعورا .. خاصة مع شعور مرا بتحس بكل شي الا برياح الخماسين .. هني سنين شو حلوين أيام الستين .. لو كان حبك بهيديكي الفترة كانت دول عدم الانحياز ع القليلي بتصدر بيان تضامن معي .. اليوم راحت كل فلسطين وما بقى في لا دول ولا عدم انحياز .. بس على قولة القائدة " اليسا" ( أحسن الله اختيار كلمات أغانيها) :
روح قلّو غيرو ما بحكي .. تسلملي ريتا هالضحكي .. شو بحبك وسألوا بلكي على حالو "
على حالو بعدو ع الفرقة .. وبيحلم متلي بالملقى .. لو بخطر حتى لو سرقة على بالو "
عطالله السليم
14 أيار 2010
على حالو بعدو ع الفرقة .. وبيحلم متلي بالملقى .. لو بخطر حتى لو سرقة على بالو "
عطالله السليم
14 أيار 2010
No comments:
Post a Comment