شو بحب شوفك بتنورة قصيري .. بنفس حدية جمالك بتكون حدية أعصابي .. حكيك عبارة عن " دلع منظم" تخانقنا على عالعبارة كتير .. ما نفيتي الدلع بس استنكرتي طريقتو .. برأيك انو هوي طبيعي عشان هيك مش منظم .. وأنا أصلا تارك التنظيم عما قريب .. وحياتك يعني هوي الامل لسه باقي فيك .. جربت انو ما جرب شي بقا .. القصة مش بايدي .. كمان ثريا عندا حالة من تلف الاعصاب و ما يسمى عرضا بضيق الخلق مش بضم الخاء ساعتها بيتهمونا جماعة الله بشتم العزة الالهية .. الهية انتي بتقديري لانو عندك قدرة على الاختفاء وآخر شي بتظهري على شكل مصيبة كبيري .. حامل أغراضك وأعراضك وماشي فيون .. هيّ الفرصة بدك تجي لعندا .. وعندا احتمالات كتيري .. أول الغيث ع مهلك وآخر الكلام منفى ورا منفى بيساوي منافي .. كفتة ورا طاووق بتعمل مشاوي .. اياد و عراق بيعمل علاوي .. انت مع التنورة بتعملي حلاوة
يتبع
About Me
- tati
- أنا نصف مجنون أبحث عن نصفي الاخر. حياتي كناية عن فوضى منظمّة .. هوايتي المفضلة أن أدفع الامور نحو الهاوية ثم أترقب لحظة سقوطها على نحو يثير اللذة في تكرار مغامرة قاتلة. بين الاكاديميا والحب والنضال .. جنون يخترق جدية الحياة فيجعلها في مرمى النيران
No comments:
Post a Comment